以下是發生在某老師身上的一個真實故事。
某老師在教員室門口為某學生補默，補默幾次仍是不合格，責備之餘，趁機了解一下他的內心世界：
老師：「你o係學校好似好少朋友咁喎, 你係剛剛從外校轉過黎既，咁同以前o的朋友仲有無聯絡呀？」
學生：「有呀，o係下面...」
老師：「o係下面？呢度係地下喇喎，邊度下面呀？」
學生：「真架，佢地o係下面....」
老師心想，難道他的老友都已過身，才引致他現在這樣孤僻的性格？但慎重起見，還是要再問清楚。
老師：「你係認真既？」
學生：「真架，真係係下面架！你都識佢地架？」
老師：「我都識？我點會識佢地呀？」
學生：「係呀，你都識架，唔信我帶你去睇下丫。」他邊說邊向著小食部的方向指去。
原來他所說的下面，是指小食部，終於可以鬆一口氣。但老師問他外面的朋友，為甚麼他會答了現在的同學？
驚魂過後，老師沒好氣，只好繼續為他補默。
學生：「我可唔可以o係下面默呀？」
老師心想：你想o係下面同你o的 fd 一齊默呀？咁你咪默得好開心，又容易出貓！
老師：「梗係唔得啦！你休想，唔好講咁多，快o的默啦！」
學生做了一個十分錯愕的表情，似乎是怪責老師不合情理。隨後便開始在默書簿新的一頁準備再默一次....老師立即喝停.....：「喂，你做乜咁浪費要開新一頁呀？你繼續o係前面果度默咪得囉！」
學生一臉委屈地說：「又是你話唔可以o係下面繼續做既.....」
同一場合同一人物同一字眼竟然有兩個解釋，語言落在不懂溝通的人手裡，真的可以很有趣。