歪理除了可以用來強辭奪理，有時還可以用來開開玩笑。
例子一：
「喂，星期日去行山丫不如！」
「唔去lu，行完山返到屋企成身倦到死！」
「咁你唔好返屋企咪唔倦囉！」
------------------------------------------------
例子二：
「去打波呀, 去唔去呀？」
「唔去呀，咁熱！」
「熱咪o岩囉，通常出完一身汗就會涼架喇！」
「咁梗係啦，如果唔涼，就未出完汗啦，如果出完汗，就一定係因為唔熱啦！」
-------------------------------------------
有時，歪理甚至可以用來教導學生，例如：
「阿sir，如果吹笛吹極都唔好聽，我可以點做呀？」
「練囉！練完就實好聽d架喇！」
「咁如果練極都唔熟呢？」
「無可能架，練完就實熟架！如果仲係唔熟，只係因為你未練完o者！」
「咁要練幾耐先叫做練完先？」
「練到熟咪叫做練完囉！」
-------------------------------------
雖是歪理，但如果你跟著照做，包保獲益良多。