早上送完佢地返去之後，就立即去左石塘咀飲茶，一飲就飲到兩點幾，返到屋企都三點幾。
休息一陣，又做左一陣野，就同 twins 兩姐妹一齊去左飲陳伯果餐lu。估唔到，佢只係遲我一年結婚，又多一個舊生脫離王老伍生涯喇。今日都見返幾多好多年無見既人喎。
暑期咁快就完，都好耐未試過成個暑假都留o係香港，不過反而覺得好充實喎。
sars 果排，因為個 hard disk 死左，好多重要文件都無左，連果時做起左既「文武館」網頁，都化為鳥有，都係全靠呢個暑假做返晒。
呢個暑假又特別多活動，可能因為我好少生日係o係香港，今年感覺特別多人同我慶祝咁既。又同左好多班唔同年代既畢業生眾舊，所以真係好happy 啦。
暑假期間，由我一出世就o係果度住開既舊居，因為政府收地，所以要拆，真係十分十分唔捨得。
八月份，我最痛鍚既一班放榜喇，都算係唔錯丫個結果，不過由於今年多人考到十四分以上，攪到果o的本來以為實可以原校升既，就升唔到，本來可以原校 repeat 既，又 repeat 唔到，結果就要飄流去其他學校升或 repeat lu。其他既既, 就算無繼續學業既，都似乎搵到自己既方向喇. 都算幾好啦！
成個暑期都無乜停過要工作，連開學要用既文件到而家都未做得晒，睇怕九月一、二號都係要再趕工架喇。